Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Zyrtarët amerikanë të zbulimit e pranuan hapur rrezikun që paraqesin ambiciet e Kinës në fushën e inteligjencës artificiale dhe një sërë teknologjish të përparuara.
Këto teknologji mund t`i japin, sipas tyre, Pekinit një avantazh ushtarak të rëndësishëm dhe mbizotërim të mundshëm në sektorin e kujdesit shëndetësor si dhe sektorë të tjerë thelbësorë në SHBA.
Zyrtarët e Qendrës Kombëtare të Kundërzbulimit dhe Sigurisë theksuan se kanë ripërtërirë paralajmërimet ndaj drejtuesve të biznesit, akademikëve e zyrtarëve të qeverisë vendore dhe shtetërore, në lidhje me rreziqet e pranimit të investimeve kineze apo ekspertizës në industritë kryesore.
Atyre nuk do t`u kërkohet të refuzojnë investimet kineze.
Qëllimi i këtij njoftimi është të inkurajojë përpjekjet për të kontrolluar pronësinë intelektuale dhe zbatimin e masave të sigurisë.
Agjencitë amerikane të sigurisë kombëtare nën drejtimin e Presidentit Joe Biden i janë kundërvënë në mënyrë agresive e publike politikave keqdashëse të Kinës, të cilën disa zyrtarë e kanë quajtur kërcënimin më të madh strategjik për Shtetet e Bashkuara.
Qeveria kineze i ka deklaruar tashmë qëllimet e saj për të krijuar teknologji fitimprurëse robotike, e në fusha të tjera, sipas planeve që njihen si “Made in China 2025”.
Top Channel
