Policia Kufitare e Kapshticës ka ndaluar një shtetas të shpallur në kërkim, i cili ishte i dënuar nga gjykata e Gjyqësorit në Tiranë, me 6 vite burg për prodhim dhe shitje narkotikësh.
Shtetasi Markel Jani, 36 vjeç, banues në Korçë, i cili kërkohej nga policia prej më shumë se dy vitesh, u ndalua në hyrje të Republikës së Shqipërisë nga shërbimet e policisë kufitare të Kapshticës.
“Gjykata e Rrethit Gjyqësor Tiranë, me vendimin e datës 20.05.2019, e ka dënuar këtë shtetas me 6 vite burg për veprën penale “Prodhimi dhe shitja e narkotikëve”, njofton policia.
Veprimet e mëtejshme do të kryhen nga Drejtoria Vendore e Policisë Tiranë.
Top Channel
