Ministrat e G7-ës takohen në Itali për të diskutuar për konfliktet 25/11 09:40
Mijëra familje në Francë mbetën pa energji elektrike dhe trenat ndaluan qarkullimin nga Normandia drejt Parisit, pas erërave të fuqishme që përfshinë veriun e Francës, ndërsa një situatë e ngjashme u shënua dhe në Holandë e Belgjikë.
Katër persona mbetën të lënduar në qytetin holandez të Barendrecht, ku erërat e fuqishme shkulën cati shtëpish e pemë në orët e para të ditës. Stuhia nisi duke goditur brigjet e Bretanjës në Francë, me skena të njëjta si ato në Holandë.
Shërbimi francez i metereologjisë dha alarmin sidomos për rajonet që ndajnë kufijte me Gjermaninë, Belgjikën e Luksemburgun. Në Normadi, era sipas ekspertëve, arriti shpejtësinë e gati 200 km/h.
Operatori i rrjetit hekurudhor te Gjermanise, Deutsche Bahn pezulloi lëvizjen e të gjithë trenave të distancave të gjata në Vestfalinë Veriore, ndërsa vonesa e anulime të lëvizjes pati dhe në pjesë të tjera të vendit.
Gjithashtu në qytetin belg, Westerhoek, punonjësit e ndërhyrjes së shpejtë thanë se kanë marrë dhjetëra telefonata për dëme dhe probleme nga stuhia.
Top Channel
