Osmani takon Makovec, jepet mbështetje për vettingun
21/10/2021 18:21
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Presidentja e Kosovës Vjosa Osmani ka pritur sot në takim drejtorin në Shërbimin Evropian të Veprimit të Jashtëm të BE-së, Marko Makovec.
Osmani tha se reformat e thella në sistemin e drejtësisë dhe sundimi i ligjit janë prioritete të Kosovës. Sundimi i ligjit, sipas saj, mbetet parakusht kryesor për suksesin e Kosovës në çdo fushë përfshirë integrimin në BE.
Në këtë kontekst, nga zyrtari i lartë i BE-së Makovec, presidentja Osmani ka marrë mbështetjen për realizimin e procesit të vettingut në përputhje me standardet dhe praktikat evropiane.
Në takim me zyrtarin e BE-së, Osmani ka ritheksuar se Kosova tashmë ka përmbushur të gjithë kriteret dhe se BE-ja duhet ta mbajë fjalën ndaj Kosovës për liberalizimin e vizave.
Osmani është shprehur në favor të thellimit të bashkëpunimit strategjik me BE-në në çështje politike, diplomatike dhe të sigurisë, por edhe me shtetet veç e veç.
Top Channel
