Emrat/ Tre shqiptarë “Wanted” në Greqi prangosen në Angli
21/10/2021 14:24
Aksident me një të plagosur në Fier, automjeti përplaset me motorin
27/11 16:26
Britania e Madhe krahas personave që kërkohen nga drejtësia shqiptare, italiane dhe belge po përdoret si vend-fshehje edhe për shqiptarët që kanë kryer krime në Greqi.
Top Channel nga gjykata e ekstradimeve “City of Westminster Magistrate Court” mëson se për qëllim ekstradimi në Greqi janë arrestuar tre shtetas shqiptarë.
Të dhënat e kësaj gjykate tregojnë se Florjan HYSA është prangosur për llogari të shtetit Helen për trafik droge. Ai kishte pak muaj që kishte mbërritur në Angli për tu fshehur.
Fatjon SOTIRI është një tjetër shqiptarë i prangosur në Londër pasi kërkohet nga drejtësia greke për grabitje me armë dhe posedim të materialeve kriminale.
Prej një viti në burgjet angleze mbahet Andjus NELI i cili është përballur me disa seanca gjyqësore ektradimi kërkuar nga Greqia. Neli akuzohet si pjesë e një grupi shqiptarësh tashmë të arrestuar në Selanik për vrasjen enjë të riu grek.
Sipas të dhënave që publikon “City of Westminster Magistrate Court”, përpara kësaj gjykate janë shtuar rastet e shtetasve shqiptarë të arrestuar në qytete të ndryshme të Anglisë, si pasojë e urdhër arresteve lëshuar nga vende të ndryshme europiane.
Top Channel
