Arkitekt i reformave kryesore në Indi, ndahet nga jeta ish-kryeministri në moshën 92-vjeçare 26/12 18:50
Deputeti i Partisë Demokratike, Flamur Noka i ftuar në emisionin Top Talk, me Denis Dyrnjanë, në Top Channel, ka folur për krizën politike që ka kapluar partinë Demokratike, pas largimit të ish-kryeministrit Sali Berisha, një vendim ky i marrë nga kryedemokrati Lulzim Basha.
Noka ka bërë të ditur se është duke u punuar intensivisht për mbledhjen sa më parë të Kuvendit Kombëtar të PD-së, por ende nuk ka një datë fikse.
“Ne po përgatitemi për ta zhvilluar sa më parë, por nuk ka ende një datë fikse, por kjo do të bëhet para vitit të ri. Statuti prevalon në çdo hap tonin. Statuti përcakton hapat që duhet të ndiqen në këtë rast, ne kemi detyrë t’i ndjekim pikë për pikë. Statuti nuk i jep të drejtë Bashës ta njohë apo jo Kuvendin, është Kuvendi që nesër mund të marrë vendime për të ndryshuar statutin. Asnjë nga deputetët e PD nuk është i tepërt nga ajo dhe nuk do të lëvizë nga ajo parti. Edhe Basha do të rrijë deputet i saj, por jo kryetar”, tha Noka.
I pyetur nëse ka negociata mes ish-kryeministrit Sali Berisha dhe kryetarit aktual të Partisë Demokratike, Lulzim Basha, Noka u shpreh se “Unë nuk di të ketë negociata dhe nuk ka për të pasur negociata mes Berishës dhe Bashës, përveç negociatës së vetme që të largohet Basha nga karrigia që ka marrë peng”.
Top Channel
