NATO: Nuk zbrapsemi nga mbrojtja e Ukrainës! Rusia nxjerr armën e re! 22/11 14:22
Kryetari i grupit të PD-së, Alfred Rrushaj ka komentuar amendamentet e dorëzuara nga opozita për ndryshimet kushtetuese.
Pas pyetjes së gazetares së Top Channel, Elda Menga, nëse PD po e kolapsin SPAK-un me kërkesën për Vettingun e politkkanëve, pas ngarkesës së madhe që kanë shprehur, Rrushaj tha se nuk ka asnjë kundërshtim me Kushtetutën kërkesa e PD-së.
Sipas tij, SPAK nuk duhet të mbingarkohet dhe duhet t’i jepen burimet e nevojshme.
“Në Kushtetutë ka vetëm një minimum të numrit të prokurorëve të SPAK që sot janë tek 15 prokurorë ajo çfarë duhet bërë është që t’i japim burimet e nevojshme si njerëzore, infrastrukturore, financiare që të mos mbingarkojnë edhe ta, të shtohen por kjo është e para tenike dhe e dyta nuk ka asnjë ndalim në Kushtetutë”, tha Rrushaj.
“Basha është shprehur qartë se cili është qëndrimi. Ne kemi rezerva me punën e SPAK dhe nuk kemi lëvizur nga ai qëndrim. Po investojmë, nuk kemi asgjë për të fshehur pavarësisht se kush e ven Vetingun e politikanëve. Prokurorët që do të merren dhe do të duhet të bëjnë vendimmarrjen publike. Standarti do të jetë publik”, tha ai.
Pyetja e gazetares lidhet me monitorimin 20 mujor të kryer në SPAK, ku është dalë në përfundim se SPAK ka mbingarkesë dhe kërkohet sa më shpejt plotësimi i BKH-së.
Kujtojmë se PD ka dorëzuar në Kuvend tre amendamente me propozime kushtetuese, ku kërkohet rikthim i koalicioneve parazgjedhore, rikthim i komunave dhe Vetting i politikanëve.
Vettingu i politikanëve sipas opozitës do të kryhet nga një strukturë e posaçme me prokurorë dhe mbështetje nga SPAK.
Top Channel
