A e humbi BE Ballkanin Perëndimor? Ekspertët: Anëtarësimi, “Thembra e Akilit”

BE ishte ajo që dha pjesën më të madhe të ndihmës për koronavirusin e tani, financon edhe rimëkëmbjen post-pandemisë. Unioni megjithatë duhet të fajësojë veten për faktin që influenca e tij në rajon po bie, thotë qendra Carnegie Europe, një burim i besuar analize të politikës së jashtme dhe asaj të sigurisë së bllokut europian.

Aseti më i madh i BE-së, premtimi i anëtarësimit, është në fakt edhe “Thembra e saj e Akilit”, thuhet në shkrim. Nëse aderimi nuk është më një perspektivë e besueshme, lojtarët e fuqisë ballkanike ka të ngjarë të shmangin kërkesat e Brukselit e të kërkojnë diku tjetër mbështetje politike dhe shpërblime ekonomike.

Ballkani Perëndimor mbetet i vendosur në sferën e BE-së, por kjo nuk do të thotë se Brukseli, Berlini apo Parisi kontrollojnë situatën. Nëse shtrohet pyetja: A kanë reshtur qytetarët e Ballkanit Perëndimor së besuari se do t`i bashkohen bllokut tani shpejt, përgjigja është “po”.

Në vend që të shkelë premtimet, Brukseli, vazhdon artikulli,  duhet të përqendrohet në ato zotime të cilat mund t`i mbajë, e të kalojë në veprime konkrete për sa kohë mbetet investitor kyç në rajon dhe idealet e BE-së, ende i interesojnë qytetarëve të Ballkanit.

Top Channel