Presidencialet në Rumani, sondazhet: Kandidati i Partisë Social-Demokrate udhëheq zgjedhjet 24/11 21:42
Një sulm me bombë në një autobus të ushtrisë siriane la të mërkurën 14 veta të vrarë.
Sulmi ndodhi në kryeqytetin e Sirisë, Damask, njoftoi agjencia shtetërore e lajmeve Sana.
Sipas saj, dy bombat e kapura për autobus shpërthyen derisa automjeti po kalonte nën urën Jisr al-Rais.
Edhe pse Siria është në luftë civile tash e një dekadë, sulmet e tilla në Damask janë gjithnjë e më të rralla.
Shumë shpejt pas shpërthimit në autobus, sulmet e ushtrisë siriane vranë së paku dhjetë persona në veriperëndim të Damaskut.
Kjo zonë kontrollohet nga opozita dhe është bastioni i fundit i grupeve rebele dhe xhihadiste që janë përpjekur të përmbysin presidentin sirian, Bashar al-Assad, qysh në vitin 2011.
Lufta në Siri ka lënë së paku 350,000 njerëz të vrarë dhe ka bërë që gjysma e popullsisë të largohet nga shtëpitë.
Gati gjashtë milionë refugjatë sirianë kanë ikur jashtë vendit.
Top Channel
