Kuvendi ka reaguar pasi sekretari i përgjithshëm i PD, Gazment Bardhi tha se PS mungoi në mbledhjen e Komisionit Hetimor.
Sipas Kuvendit, mbledhja nuk u zhvillua për shkak të mungesës së kourumit të nevojshëm. Ndër të tjera thuhet se kryetari i Komisionit, Enkelejd Alibeaj do të njoftojë se mbledhja e ardhshme e komisionit hetimor do të zhvillohet më datën 22 tetor 2021, ora 10:00.
“Ju njoftojmë se mbledhja e sotme e komisionit hetimor parlamentar “Për kontrollin e veprimtarisë së organeve të administratës publike dhe pushtetit vendor, për të verifikuar përdorimin e burimeve të administratës shtetërore për qëllime elektorale në zgjedhjet e 25 prillit 2021” nuk u zhvillua për shkak të mungesës së kourumit të nevojshëm.
Kryetari i këtij komisioni Enkelejd Alibeaj ngarkoi Sekretariatin Teknik të këtij komisioni të njoftojë anëtarët se mbledhja e ardhshme e komisionit hetimor do të zhvillohet më datën 22 tetor 2021, ora 10:00”, thuhet në njoftim.
Top Channel
