Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Policia portugeze ka sekuestruar 5.2 tonë kokainë në një jaht i cili lundronte me flamurin spanjoll në Oqeanin Atlantik. Sipas zyrtarëve vendas, lënda narkotike mbërrin në tregun e zi me vlerën 200 milionë euro.
Kjo është sasia më e madhe e sekuestruar e drogës që ka ndodhur në këtë vend në 15 vitet e fundit, dhe një ndër më të mëdhatë në Evropë.
Në operacionin e ndalimit të jahtit 24 metra të gjatë, policia portugeze u mbështet edhe forcat detare dhe ajrore të vendit.
Dy shtetas spanjollë dhe një peruan kanë përfunduar në pranga. Autoritetet vendase dyshojnë se kokaina i përkiste një grupi ndërkombëtar të trafikut të drogës që po dërgonte kokainë në Evropë përmes Gadishullit Iberik.
“Kjo është një goditje e madhe për ata që duan ta mbysin Evropen me drogë”, deklaroi shefi i policisë portugeze, Luis Neves.
Në operacion u përfshi gjithashtu dhe Spanja, Shtetet e Bashkuara dhe Britania e Madhe.
Top Channel
