Rusia kryen sulm masiv ndaj sektorit të energjisë të Ukrainës 28/11 09:04
Kryeministri polak Mateusz Morawiecki paralajmëroi udhëheqësit e tjerë të BE-së se blloku rrezikon të shpërbëhet nëse nuk ka “kontroll demokratik” mbi institucionet e saj.
Në prag të një fjalimi në Parlamentin Evropian, Morawiecki u kërkoi krerëve të Bashkimit Europian të mbrojnë sovranitetin e shteteve anëtare dhe tha se Polonia do të mbetet një “anëtare besnike” e BE -së.
Qeveria populiste e krahut të djathtë polak ka qenë në kundërshtim me BE-në për vite me radhë mbi reformat e diskutueshme gjyqësore, por një vendim i Gjykatës Kushtetuese Polake këtë muaj që vinte në dyshim pjesë të ligjit të BE-së, i ashpërsoi edhe më tej tensionet.
Morawiecki tani thotë se Bashkimi Evropian rrezikon të bëhet “një organizëm me menaxhim qendror i drejtuar nga institucione të privuara prej kontrollit demokratik”.
Ai paralajmëroi se ky është “një fenomen i rrezikshëm që kërcënon të ardhmen e unionit, duke shtuar se “duhet të jemi të shqetësuar të gjithë”.
“Nëse nuk e ndalojmë këtë gjë, shpejt do të ndihen efektet negative. Sot mund të ketë të bëjë vetëm me një shtet-nesër, me një pretekst të ndryshëm, shënjestra do të jetë një tjetër”, u shpreh ai.
Por kryeministri polak shtoi “pa imponuar vullnetin e dikujt mbi të tjerët, mund të gjendet një zgjidhje për ta forcuar më tej Bashkimin Evropian”.
Gjykata Kushtetuese e Polonisë ka vendosur që të hedhë poshtë parimin e përparësisë së ligjit të BE-së mbi legjislacionin kombëtar, në çështje të caktuara gjyqësore dhe Komisioni Evropian tha se po shqyrton masa ndaj Varshavës.
Top Channel
