Përfundon procesi i votimit në Maqedoninë e Veriut, fillon numërimi i votave
17/10/2021 21:17
Zgjedhjet në Maqedoninë e Veriut/ Kandidati i LSDM: Vazhdojmë garën, nesër fillojmë nga zero 24/04 22:57
Ka përfunduar votimi për zgjedhjet lokale në Maqedoninë e Veriut
Procesi i votimit u mbyll në orën 19:30, duke u zgjatur për 30 minuta, kryesisht për shkak të problemeve teknike lidhur me votimin biometrik.
Sipas KSHZ-së, deri në orën 18:30 minuta në votime kanë dalë 49.29 për qind e qytetarëve me të drejtë vote, apo 697,637 qytetarë nga 1.8 milion me të drejtë vote.
Pjesëmarrje më e lartë është regjistruar në komunën e Vevçanit, prej rreth 73 për qind ndërsa më e ulët në komunat me shumicë shqiptare në pjesën perëndimore të vendit, edhe atë mes 30 dhe 40 për qind.
Procesi zgjedhor është zhvilluar kryesisht i qetë dhe pa incidente që do të prishnin rrjedhën e votimit.
Në votimet e ditës së diel qytetarët kanë zgjedhur kryetarët e 80 komunave dhe të këshillave komunalë si dhe Shkupin me dhjetë komuna, që është njësi e veçantë e pushtetit lokal.
Për kryetarë të komunave garuan 299 kandidatë dhe 577 lista këshilltarësh me 10,600 kandidatë.
Top Channel
