Katër persona, të cilët ishin shpallur në kërkim janë vënë në pranga nga policia e Tiranës për vepra të ndryshme penale.
Një 53-vjeçar i identifikuar me inicalet E.R., u arrestua pasi ishte shpallur në kërkim. Gjykata e Shkallës Parë Tiranë, ka caktuar masën e sigurisë “Arrest me burg” për veprën penale “Prodhimi dhe shitja e narkotikëve”.
Nga specialistët për Hetimin e Krimit në Komisariatin e Policisë Nr.4 u bë ekzekutimi i vendimit penal për shtetasin në kërkim R. L, 26 vjeç, pasi Gjykata e Shkallës Parë Tiranë, e ka dënuar me 2 muaj burg, për veprën penale “Vjedhja”.
Sherbimet e Komisariatit të Policisë Nr.6 bënë kapjen e shtetasit I. N, 30 vjeç, i shpallur në kërkim nga Komisariati i Policisë Librazhd, për veprën penale “Plagosje e lehte me dashje”. Për veprime të mëtejshme iu kalua Librazhdit;
Po nga shërbimet e Komisariatit të Policisë Nr.6 u bë kapja e shtetasit K. M, 24 vjeç, i shpallur në kërkim nga DVP për veprën penale “Vjedhja”. Për veprime të mëtejshme iu kalua Durrësit.
Top Channel
