Presidencialet në Rumani, sondazhet: Kandidati i Partisë Social-Demokrate udhëheq zgjedhjet 25/11 07:31
Pasagjerët e një autobusi në Selanik përjetuan momente tmerri këtë mëngjes për shkak të reshjeve të dendura të shiut të këtyre ditëve, një pjesë në rrugë u shemb dhe pjesa e parme e mjetit ra brenda gropës së krijuar.
Mediat greke thonë se gropa e krijuar ishte gati 5 metra e thellë. Ato thonë se në autobus ndodheshin 12 punonjës, të cilët u përfshinë nga paniku.
Ata rrëfejnë se dëgjuan një zhurmë të fortë dhe një si përplasje, e pas kësaj, mjeti u bllokua në vend.
Fatmirësisht, nga incidenti nuk pati të lënduar. Rajone të tëra të Greqisë po përballen me një mot të keq, e sipas ekspertëve, kjo situatë mund të vazhdojë edhe për të paktën dy ditë.
Në zonën e Atikës, në ishullin e Evias dhe në Halkidhiki, shkollat kanë vazhduar të qëndrojnë të mbyllura, ndërsa dhjetëra vetë janë detyruar të braktisin shtëpitë e tyre e të zhvendosen në strehime të përkohshme.
Top Channel
