Gjermania “lodhet” nga ukrainasit/ Nëse fitojnë zgjedhjet, konservatorët do shkurtojnë ndihmat për 1.2 milionë refugjatë
25/11 13:30
Mësues dhe studentë grekë kanë marshuar sot në sheshin Sintagma në Athinë dhe qytete tjera, si pjesë e grevës 24-orëshe kundër planeve të qeverisë për vlerësime periodike të performancës së mësuesve dhe stafit mësimdhënës.
Policia tha se 6,500 njerëz kishin marrë pjesë në marshimin kundër vlerësimeve të detyrueshme, me akuza se me pretekstin e pandemisë po shkel të drejtat e mësuesve e nxënësve.
Protesta u zhvilluan gjithshtu në Selanik ku sindikata e mësuesve tha se do të luftojë për “mbrojtjen e të ardhmes së nxënësve”, teksa kërkoi më shmë financim për arsimin.
Sindikata kishte apeluar vendimin fillestar të gjykatës së Athinës, që me kërkesën e ministrisë e quajti grevën ilegale.
Protestuesit dënonin vendimin e qeverisë konservatore për kalimin e shpejtë të dy ligjeve mbi vlerësimet periodike të mësuesve të shkollave fillore e të mesme.
Sindikata tha se duke përfituar nga kufizimet e pandemisë së koronavirusit qeveria po kalon ligje pa debat publik.
Top Channel
