Dhunë në familje, armëmbajtje pa leje, të dehur në timon, 3 të arrestuar në Durrës

Në Krujë, u kap 45-vjeçari me iniciale U.S., pasi gjykata e ka dënuar për “dhunë në familje”.

Në Durrës, u arrestua 19-vjeçari me iniciale S.B, pasi dyshohet se prodhonte dhe mbante armë dhe fishekë pa leje.

Një shtetas që një ditë më parë, teksa drejtonte mjetin në gjendje të dehur, u përplas me një mur është arrestuar sot. Nga incidenti, mbeti i plagosur vetë shoferi dhe pasagjeri me iniciale E.Gj.

Njoftimi i policisë:

Specialistët për Hetimin e Krimeve në Komisariatin e Policisë Krujë, në vijim të punës për kapjen e personave në kërkim dhe vënien e tyre para përgjegjësisë ligjore, kapën dhe ndaluan shtetasin në kërkim U. S., 45 vjeç, banues në Krujë, pasi Gjykata e Shkallës së Parë Krujë i ka caktuar masën e sigurisë “Arrest në burg” për veprën penale “Dhuna në familje”.

…..

Specialistët për Hetimin e Krimeve në Komisariatin e Policisë Durrës, në bazë të vendimit të Prokurorisë pranë Gjykatës së Shkallës së Parë Durrës, kanë ndaluar shtetasin S. B., 19 vjeç, banues në Kavajë, pasi dyshohet për veprën penale “Prodhimi dhe mbajtja pa leje e armëve luftarake dhe e municionit”.

….

Specialistët e Qarkullimit Rrugor në DVP Durrës arrestuan në flagrancë shtetasin:

 

T., 52 vjeç, banues në Durrës, pasi ditën e djeshme, duke drejtuar mjetin në gjendje të dehur ka humbur kontrollin dhe është përplasur me murin e një banese. Si pasojë e aksidentit janë dëmtuar drejtuesi i mjetit dhe pasagjeri, shtetasi E. Gj., 28 vjeç, të cilët ndodhen jashtë rrezikut për jetën.

 

Materialet kaluan në Prokurorinë e Rrethit Gjyqësor Durrës dhe Prokurorinë e Rrethit Gjyqësor Krujë, për veprime të mëtejshme.

Top Channel