“Serbia ta njohë Kosovën”, kryeministri Albin Kurti mesazh nga Parisi drejtuesve të ardhshëm në Beograd 10/11 20:07
Skema e ngjyrave
Madhësia e shkrimit
Pas largimit të barrikadave nga serbët në Jarinjë dhe Bërnjak dhe të Njësisë Speciale të Kosovës, ka nisur sot zbatimi i pikës së dytë të marrëveshjes së Brukselit, sipas së cilës Kosova dhe Serbia do të mbulojnë elementet shtetërore të targave të njëra-tjetrës, deri në gjetjen e një zgjidhjeje të përhershme.
Implementimi i kësaj pikë po zbatohet në Merdare, ku të gjithë shoferët që po hyjnë në Kosovë dhe ata që po dalin jashtë saj e që kanë targat e veturave RKS apo SRB po mbulojnë simbolet shtetërore.
Ndonëse ka qarkullim më të vogël se më 20 shtator kur edhe është marrë vendimi nga qeveria e Kosovës për reciprocitet me Serbinë, qytetarët që kaluan kufirin në Merdare në përgjithësi po mirëpresin marrëveshjen e arritur në Bruksel, duke thënë se procedura e re nuk po u merr kohë sa ajo paraprakja.
Ndërkaq, më 21 tetor pritet që të nis punën një ekip i përbërë nga zyrtarë të BE-së, Kosovës dhe Serbisë për të gjetur një zgjidhje të përhershme në formatin e dialogut të lartë. Grupi brenda 6 muajve duhet të prezantojë gjetjet për një zgjidhje të tillë.
Top Channel
