Kaos në futbollin anglez, Lampard “ndez zjarrin” dhe shkaktoi një konflikt masiv në fushë, në Southampton. 20/12 19:28
Kosova do të luajë dy ndeshje eliminatore në fillim të këtij muaji, ndërsa trajneri Bernard Challandes ka publikuar pasditen e sotme edhe listën e futbollistëve që do të grumbullojë për këto takime.
Kështu për herë të parë me “dardanët” do të paraqitet në grumbullim mesfushori që luan me Vitesse Arnhem në Holandë, Toni Domgjoni, i cili ka nevojë për një leje nga UEFA, për të luajtur në këto takime, pasi më herët ka veshur fanellën e Zvicrës U21.
Nga ana tjetër, mungon sulmuesi i talentuar i Baselit, Edon Zhegrova, i cili vuan nga një dëmtim dhe trajneri zviceran Challandes ka vendosur të mos e grumbullojë për dy sfidat e radhës, ashtu si edhe Bernard Berisha, që duket se nuk preferohet nga përzgjedhësi i “dardanëve”.
Kosova do të përballet me Suedinë në transfertë, më 9 tetor në orën 18:00 dhe tri ditë më vonë do të presë Gjeorgjinë në “Fadil Vokrri”, në një sfidë që do të startojë në orën 20:45.
Pas 5 ndeshjeve të para të luajtura në eliminatoret e Kupës së Botës, Katar 2022, “Dardanët” kanë arritur të grumbullojnë vetëm 4 pikë dhe shpresat për kualifikim janë shuar, por mbeten në garë për vendin e tretë, pasi kanë vetëm dy pikë më pak se Greqia.
Top Channel
