Tre shqiptarë kanë rënë në prangat e policisë së Torinos, në Itali, pasi akuzohen për vrasjen e arkitektit 50-vjeçar, Roberto Mottura. Ky i fundit ku gjet i pajetë qershorin e kaluar në shtëpinë e tij në Piossasco (Torino).
Mediat fqinje shkruajnë se si rezultat i hetimeve është konfirmuar se autorët ishin nisur për grabitje në shtëpinë e tij, por më pas përfundoi me vrasjen e 50-vjeçarit.
Në lidhje me arrestimin e shqiptarëve ka folur edhe vëllai i viktimës, i cili tha se shpreson që ata të kalben në burg.
“Karabinierët tani më kanë thirrur dhe më thanë se i kanë kapur. Vrasësit e vëllait tim janë arrestuar dhe tani shpresoj që ata të kalben në burg”, tha Enrico Mottura, vëllai i Robertos.
“Unë me të vërtetë shpresoj se kjo histori ka ardhur në një pikë kthese. Kështu shpresoj për familjen e vëllait tim, për prindërit e mi, për të gjithë ne. Këta muaj kanë qenë të tmerrshëm. Ata janë hajdutë. Një grup hajdutësh që shkuan rreth e qark të armatosur. Por mendoni pak: për një vjedhje ata vrasin një person për të marrë disa objekte, kjo është çmenduri”, thotë ai në një intervistë për gazetën La Stampa.
I pyetur nëse ndihet i lumtur për arrestimin e tyre, vëllai i Robertos u shpreh: “Po sigurisht. Edhe pse, në fund të fundit, kjo është një kënaqësi e dobët, sepse vëllai im është zhdukur, dhe atje është një familje e shkatërruar nga gjithë kjo dhimbje.
Të paktën ata njerëz nuk janë më aty për të bërë më shumë dëm. Tani ata janë mbyllur në një qeli dhe do të qëndrojnë atje, të paktën kështu shpresoj. Ka ende një rrugë të gjatë për të bërë. Dhe atëherë do të na duhet të mbështesim babanë dhe nënën time: ata kanë humbur një djalë. Ata janë të moshuar, ishte një goditje shumë e rëndë për të gjithë, sigurisht, por për ta në veçanti”.
Top Channel
