Arrestohen tre persona në Berat, ja për çfarë akuzohen
28/09/2021 08:49
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Një 53-vjeçar është vënë në prangat e policisë së Beratit pasi dogji barëra në tokën e tij, dhe si pasojë zjarri është përhapur duke djegur një sipërfaqe tokë e mbjellë me ullinj dhe pemë frutore.
“Specialistët për Hetimin e Krimeve në Komisariatin e Policisë Berat, në vijim të punës për zbulimin dhe vënien përpara përgjegjësisë ligjore të autorëve të zjarrvënieve, arrestuan shtetasin:
L.S., 53 vjeç, banues në Uznovë, Berat, (Punonjës Policie, pranë Komisariatit të Policisë Berat), pasi dyshohet se ka ndezur zjarr për të djegur barëra në tokën e tij, dhe si pasojë zjarri është përhapur duke djegur një sipërfaqe tokë e mbjellë me ullinj dhe pemë frutore”, njoftoi policia.
Nga specialistët e Sektorit për Qarkullimin Rrugor, u bë arrestimi i shtetasve:
A.H., 54 vjeç dhe P.L., 62 vjeç, të dy banues në Kuçovë, pasi u konstatuan nga shërbimet e policisë rrugore duke drejtuar motoçikletat pa leje drejtimi dhe pa targa.
Materialet i kaluan Prokurorisë së Rrethit Gjyqësor Berat, për veprime të mëtejshme.
Top Channel
