Fermerët amerikanë thirrje Trump: Mos dëboni emigrantët e paligjshëm që punojnë në bujqësi 26/11 20:22
Një burrë ka sulmuar fizikisht një infermiere femër pasi i kishte injektuar të shoqes vaksinën e Covid-19 “pa autorizimin e tij”.
Policia në krahinën kanadeze të Quebec tha se janë në kërkim të burrit që goditi infermieren me grusht në fytyrë sepse i kishte injektuar gruan pa lejen e tij.
Ngjarja ndodhi të hënën në një farmaci të qytezës Sherbrooke, 155 kilometra në juglindje të Montreal, e lejuar të administronte vaksina, tha zëdhënësi i policisë Martin Carrier.
“I dyshuari kishte hyrë drejtpërdrejt në zyrën e injeksioneve dhe kishte goditur infermieren,” tha Carrier.
Burri raportohej se ishte shokuar kur mësoi se gruaja e tij kishte bërë vaksinën në një farmaci dhe për më tepër “pa autorizimin e tij”, dhe kishte goditur në fytyrë infermieren duke e plagosur, shtoi Carrier.
Në shumë vende infermierët po përballen me abuzim për zbatimin e politikave të vaksinimit, përveç përballjes së më hershme me pandeminë e Covid-19.
Në rastin në fjalë nuk është e qartë nëse i dyshuari ishte kundër vaksinimit apo faktit se gruaja e kishte marrë injeksionin pa lejen e tij.
Protestat anti-vaksine janë përshkallëzuar së fundmi në Kanada para zgjedhjeve federale të kësaj jave, të fituara sërish nga Justin Trudeau. Provinca e British Columbia mbylli shkollat kësaj jave.
Top Channel
