Tema kryesore e ditëve të fundit është vendimi i fundit për heqjen e targave në mjetet serbe nga autoritetet në Kosovë.
E ftuar në ‘Open’ për të folur rreth kësaj teme ishte në një lidhje live negociatorja e njohur shqiptare Edita Tahiri, e cila i ka dalë në krahë qeverisë Kurti për marrëveshjen e “reciprocitetit për targat”.
Edita Tahiri: Vendimi i qeverisë Kurti për zbatimin e marrëveshjes së Brukselit është i drejtë, unë e mbështeta menjëherë sepse është në pajtim me marrëveshjen e Brukselit për lëvizjen e lirë të vitit 2011. Besoj që kjo do të mbetet kështu, kur e them e kam parasysh lojërat e Serbisë me këto kërcënime të pabazuara, sepse edhe Serbia e ka këtë detyrim. Tani faktori perëndimor, Amerika dhe Evropa duhet të çojnë presionin nga Serbia dhe jo nga Kosova për këtë çështje, sepse është pikërisht zbatimi i marrëveshjes së Brukselit. Një ndryshim drastik në qasjen e qeverisë aktuale sepse janë kryesisht nga Vetëvendosja dhe kanë qenë kundër dialogut të Brukselit dhe çdo marrëveshje që kemi arritur.
Top Channel
