Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Largimi i Donnarummës nga Milani këtë verë, hidhëroi jo pak tifozët kuqezi, pasi iku me parametra zero drejt PSG-së, ndërsa menaxheri Mino Raiola ka komentuar transferimin, duke u shprehur se ajo e portierit nuk ishte një tradhti ndaj klubit italian.
“Ajo e Donnarummës nuk ishte një tradhti dhe më vjen shumë keq që u trajtua ashtu nga tifozët e Milanit. Ai mori një vendim për karrierën e tij, ashtu siç mund të kishte vepruar edhe katër vite më parë. Mendoj se Juventus dhe klube të tjera do të kenë pishmanin që nuk e morën këtë. Sa i përket PSG-së, nuk ka rivalitet me Navas, pasi do të luajë Gigio”, u shpreh Raiola.
Një tjetër futbollist i rëndësishëm që përfaqësohet nga menaxheri i njohur, është edhe Paul Pogba, i cili ka nisur vitin e fundit të kontratës me Manchester United dhe nuk përjashtohet mundësia që të largohet verën e ardhshme nga “Old Trafford”.
“Për të ardhmen e Pogba do të flasim me klubin e Manchester United dhe do të vendosim, megjithatë Torino i ka mbetur në zemër dhe nuk e përjashtoj një rikthim te Juve. Gjithsesi kjo varet nga shoqëria e klubit bardhezi”, deklaroi Raiola.
Top Channel
