Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Talebanët gjuajtën në ajër sot për të shpërndarë protestuesit para ambasadës pakistaneze në Kabul.
Talebanët njoftuan të hënën se kanë marrë kontrollin e provincës, e fundit që nuk ishte nën kontrollin e tyre, pasi morën pushtetin në Afganistan muajin e kaluar.
Qeveria e mëparshme afgane akuzoi Pakistanin për ndihmën e talebanëve, gjë që Islamabadi e mohoi.
Talebanët ndaluan sot protestën pranë pallatit presidencial. Ata qëlluan në ajër dhe arrestuan disa gazetarë që ndiqnin demonstratat.
Një reporter i tha Associated Press se talebanët rrëmbyen dhe thyen mikrofonin e tij dhe e rrahën. Më vonë ata e vunë në pranga dhe e mbajtën për disa orë.
“Kjo është hera e tretë që talebanët më rrahin ndërsa raportojnë për një protestë. Unë nuk do t’i ndjek më ata. Është shumë e vështirë për mua”, tha ai.
Ndërkohë, në qytetin verior të Mazar-e-Sharif, katër aeroplanë për të evakuuar rreth 2.000 afganë ishin ende në aeroport.
Mawlawi Abdullah Mansour, zyrtari taleban përgjegjës për aeroportin e qytetit, tha se çdo pasagjer, afgan ose i huaj, me një pasaportë dhe një vizë të vlefshme do të lejohej të largohej.
Sekretari amerikan i Shtetit Antony Blinken tha sot në Katar se talebanët premtuan se do t’i lënë të gjithë me dokumentet e duhura të udhëtimit të largohen lirshëm nga Afganistani.
Top Channel
