Dy shtetas janë arrestuar sot në Vlorë, pasi dyshohet se kanë mbjellë lëndë narkotike në një pyll, pranë fshatit Beshisht në Vlorë.
Ndërkohë, në fshatin Babicë të qytetit bregdetar u arrestua një tjetër i dyshuar si trafikant droge. 39-vjeçarit me iniciale M.A. , iu gjetën disa doze kokaine, të ndara në qese, gati për t’u shitur, në makinën e tij.
Njoftimi i policisë:
Shërbimet e Komisariatit të Policisë Vlorë në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, në bazë të informacioneve të siguruara në rrugë operative, dhe si rezultat i kontrollit të territori, kanë evidentuar dhe goditur 1 raste të tentativës për kultivim të kanabisit në fshatin Beshisht, Vlorë.
Në vijim të veprimeve, nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasve A. L., 34 vjeç dhe K. T., 16 vjeç, pasi në bashkëpunim me njëri-tjetrin, kanë kultiviuar fidan të dyshuar cannabis sativa, në një zonë të pyllëzuar, në fshatin Beshisht.
– – – –
Specialistët për Hetimin e Narkotikëve dhe Trafiqeve të Paligjshme në DVP Vlorë, në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike, arrestuan në flagrancë shtetasin M. A., 39 vjeç, banues në fshatin Babicë, Vlorë.
Arrestimi i tij u bë pasi gjatë kontrollit të ushtruar nga patrulla e përgjithshme, në automjetin e tij, u gjetën dhe sekuestruan në cilësinë e provës materiale doza me lëndë narkotike të dyshuar kokainë.
Materialet i kaluan Prokurorisë, për veprime të mëtejshme.
Top Channel
