Po i priste makina, kapen gjashtë emigrantë që zbritën nga mali në Kosovë
31/08/2021 14:54
Eksperti evropian: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave 04/05 20:52
Gjashtë emigrantë janë kapur rreth orës 09:00 nga policia e Kosovës, teksa zbritën nga mali në mes fshatrave Vërmicë dhe Shkozë dhe hipën në automjetin që i priste.
Ata po i priste një kosovar i identifikuar me inicialet A.J., drejtues i automjetit, i cili është shoqëruar për në polici.
“Policia e Kosovës, patrulla policore e Stacionit për Mbikëqyrjen e Kufirit (SMK) Vërmicë, më 31.08.2021 rreth orës 09:00, në realizimit të Planit Operativ ‘’Migrimi i pa rregullt“, gjatë vëzhgimit të terrenit kanë vërejtur lëvizje të një automjeti i cili ka ngjallur dyshime për patrullën policore.
Vëzhgimi i veturës nga polica ka vazhduar dhe më pas janë vërejtur gjashtë persona që kanë zbritur nga mali dhe kanë shkuar tek vetura e cila i priste. Reagimi i patrullës policore ka qenë i menjëhershëm, kështu janë ndaluar drejtuesi i automjetit dhe personat që kishin zbritur nga mali në mes fshatrave Vërmicë dhe Shkozë.
Gjatë identifikimit të personave, vërehet se gjashtë nga personat e ndaluar ishin shtetas të huaj-emigrantë, kurse drejtuesi i automjetit ishte: A.J., shtetas kosovar, i cili pas intervistimit nga policia, me aktvendim të prokurorit dërgohet në mbajtje për 48 orë. Kurse me emigrantët, procedurat me ta, merren njësitet përkatëse policore”, njoftoi policia.
Drejtoria Rajonale e Policisë Kufitare “Perëndimi” Gjakovë, mbetet e përkushtuar në parandalimin, luftimin dhe arrestimin e të gjithë personave të cilët merren me veprimtari të kundërligjshme.
Top Channel
