VIDEO/ U bë “mollë sherri” për Icardin dhe Wanda Nara, aktorja e njohur argjentinase kapet “mat” me pilotin 11 vite më të ri
18/11 17:03
Të kesh një celular në makinë rrit rrezikun e një aksidenti rrugor – edhe nëse është i fikur, tregojnë hulumtimet e fundit në Britaninë e Madhe.
Disa vullnetarë që morën pjesë në studim, me një telefon në makinë që nuk ishte i ndezur, kishin më shumë gjasa për të shpejtuar ose për t’u përplasur, ndryshe nga ata që i linin telefonat në shtëpi.
30 dhe 40 njerëz në vit vriten në rrugët e Britanisë për shkak të aksidenteve të lidhura me përdorimin e celularëve nga shoferët. Kohët e fundit edhe në vendin tonë është dalluar një rritje e aksidenteve rrugore, për shkak të mosrespektimit të shpejtësisë së lejuar dhe sinjalistikave rrugore.
Shoferët kanë katër herë më shumë gjasa të përplasen nëse marrin një telefonatë ose mesazh kur ngasin.
Rezultatet e studimit treguan se drejtuesit pranë një telefoni – edhe nëse është i fikur – bënë shumë më tepër gabime, e ngisnin me shpejtësi dhe kishin më shumë gjasa të përplaseshin me automjete të tjera.
Studiuesit thanë se rezultatet tregojnë se efekti i celularëve në sjelljen e shoferit është edhe më i madh nga sa mendohej.
Është e paligjshme në Mbretërinë e Bashkuar të përdorësh një celular gjatë drejtimit të automjetit, edhe nëse ke ndaluar apo qëndron në trafik.
Top Channel
