Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Sulmet vdekjeprurëse me dhjetëra të vrarë të së enjtes në Kabul, ndër të cilët edhe ushtarë amerikane, nuk i kanë ndaluar operacionet e evakuimit nga aeroporti i kryeqyteti afgan, ku mijëra njerëz presin të dëshpëruar mundësinë për t’iu larguar regjimit shtypës taleban.
Banorët e zonës thanë se avionët mund të shiheshin duke u ngritur nga aeroporti, ndërsa turma të mëdha njerëzish janë mbledhur përpara Portës Abbey, pikërisht vendi u shënjestrua nga atentatori kamikaz.
Përgjegjësinë për sulmet e mori një degë rajonale e ISIS-it. Pas kësaj, krerët ushtarakë amerikanë janë urdhëruar të zhvillojnë plane operacionale për të goditur pasuritë, udhëheqjen dhe objektet e grupit Shteti Islamik Khorasan. Talebanët e morën kontrollin e Afganistanit më 15 gusht, e që prej atëherë. SHBA-ja dhe forcat aleate kanë evakuuar mbi 100,000 persona.
Shumica e atyre që po dynden të largohen nga vendi janë afganë të cilët i druhen hakmarrjes së sundimtarëve të rinj për shkak të punës së tyre me trupat ndërkombëtare gjatë dy dekadave të fundit.
Top Channel
