Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Komisioni Qendror i Zgjedhjeve i Kosovës i është drejtuar me një kërkesë të veçantë KQZ-së së Shqipërisë për huazimin e 50 kamerave regjistruese, të cilat janë përdorur në ditën e zgjedhjeve parlamentare më 25 prill.
Zëdhënësi i KQZ-së, Valmir Elezi tha për KosovaPress se kanë marrë përgjigje pozitive dhe marrëveshja e bashkëpunimit ndërmjet dy institucioneve pritet të nënshkruhet së shpejti në Tiranë.
Kamerat regjistruese janë të planifikuar të përdoren vetëm në Qendrën e Numërimit dhe Rezultateve, jo në qendrat e votimit.
Sipas KQZ-së në Kosovë, përdorimi i këtyre dy kamerave do t’i ndihmojë në rritjen e integritetit të procesit zgjedhor, pasi në këtë qendër zhvillohen disa procese të rëndësishme pas ditës së zgjedhjeve, siç është numërimi i votave me kusht apo votave me postë si dhe bëhet numërimi i ndonjë qendre votimi.
“Përdorimi i këtyre kamerave regjistruese do të ndihmonte KQZ-në në rritjen e integritetit të procesit zgjedhor sidomos gjatë procesit të numërimit dhe rinumërimit eventual të ndonjë vendvotimi në Qendrën e Numërimit dhe Rezultateve gjatë procesit të zgjedhjeve lokale. Në këtë qendër siç dihet pas ditës së zgjedhjeve grumbullohet i gjithë materiali zgjedhor nga e gjithë Republika e Kosovës dhe natyrisht aty bëhet edhe numërimi i votave me kusht dhe votave me postë si dhe rinumërimi eventual i ndonjë vendvotimi”.
Zgjedhjet lokale në Kosovë do të mbahen në 17 tetor, ku do të zgjidhen kryetarët e 38 komunave të Kosovës dhe anëtarët e 38 Kuvendeve të Komunale.
Top Channel
