Trump bën zgjedhje të papritur, emëron Pete Hegseth si Sekretar të Mbrojtjes 27/11 15:41
Qindra persona u arrestuan pas përplasjeve të dhunshme midis protestuesve kundër rregullave anti-Covid dhe policisë në dy qytetet më të mëdha të Australisë të shtunën, 21 gusht, teksa vendi regjistroi shifra rekord infektimesh.
“Pavarësisht se sa shumë punojmë, pavarësisht nëse 99 % e njerëzve po bëjnë gjënë e duhur, ekziston një element i Delta që askush nuk mund ta kontrollojë,” tha Kryeministri i NSW Gladys Berejiklian për mediat. “Mënyra më e mirë që mund të presim për lirinë është duke u siguruar që të vaksinohemi”- vijoi ai.
Një shpërthim në rritje i rasteve të reja në shtetin e Victoria të Melburnit gjithashtu bëri që urdhrat e qëndrimit në shtëpi të shtriheshin në të gjithë shtetin të shtunën. Por urdhrat e shëndetit publik të Melburnit nuk i penguan mijëra njerëz të protestonin kundër rregullave të bllokimit, me policinë që përpiqej t’i shpërndante.
Shtatë oficerë u plagosën dhe më shumë se 200 persona u arrestuan në protestën “e dhunshme dhe të paligjshme”, tha Policia e Victoria në një deklaratë.
“Ndërsa kishte disa protestues paqësorë të pranishëm, shumica e atyre që morën pjesë erdhën me dhunën në mendje,” thanë ata. Rreth një e treta e popullsisë Australiane është plotësisht e vaksinuar, por varianti Delta kërcënon rikthimin e pandemisë.
Top Channel
