Kremlini paralajmëron Londrën! Do të kundërpërgjigjemi nëse Ukraina përdor armët britanike për të sulmuar territorin rus 06/05 20:53
Komuniteti Hazara është grupi i tretë më i madh etnik i Afganistanit dhe si myslimanë shiitë, ata janë përballur prej kohësh me diskriminim dhe persekutim nga talebanët sunitë.
Tani janë në frikë pasi talebanët po marrin përsëri pushtetin në Afganistan.
Raportet të Premten thanë se disa anëtarë të Hazara u torturuan brutalisht dhe u vranë nga luftëtarët talebanë në provincën Ghazni në korrik, sipas BBC.
Ali, i cili jeton në Ghazni, tha se talebanët po shkonin derë më derë duke kërkuar njerëz që punonin me policinë dhe qeverinë e mëparshme.
“Familja ime dhe unë nuk po dalim jashtë sepse nuk ndihemi të sigurt. Miqtë e mi janë diskriminuar – për shembull, një nga miqtë e mi është rrahur nga talebanët”, tha Ali për BBC.
Fatima, një aktiviste shoqërore në Kabul, thotë se ajo ka frikë për të ardhmen e komunitetit të saj dhe grupeve të tjera në pakicë.
“Burrat dhe gratë e grupit tim etnik kanë vuajtur në një nivel shumë të thellë. Pjesë e shqetësimit tim është drejtësia, sepse nëse do të kishte negociata, nëse talebanët do të ishin këtu përmes negociatave, do të kishte drejtësi kalimtare”, tha ajo.
“Shqetësimet e mia të së ardhmes janë kush do të jetë udhëheqësi i njerëzve Hazara në qeverinë e re? Po sikur udhëheqësi i popullit Hazara të zgjidhet në mesin e njërit prej njerëzve shumë të afërt dhe besnikë ndaj talebanëve? Kjo do të çonte në kaos”.
Top Channel
