Durrës/ Arrestohen katër persona, dy prej tyre të shpallur në kërkim për vepra të ndryshme penale

Dy prej tyre ishin të shpallur në kërkim, njëri për kultivim të lëndëve narkotike dhe tjetri për shkelje të rregullave të qarkullimit rrugor e largim nga vendi i aksidentit. Për të dy ishte dhënë masa e sigurisë “arrest me burg”.

“Forca e Posaçme Operacionale në bashkëpunim me shërbimet e Komisariatit të Policisë Krujë, në vijim të kontrolleve të ushtruara për kapjen e personave në kërkim dhe vënien  e tyre para përgjegjësisë ligjore, ndaluan shtetasin B. D., 31 vjeç, banues në fshatin Cudhi, Krujë, pasi Gjykata e Shkallës së Parë Krujë, ka caktuar masën e sigurisë “Arrest me burg”, për veprën penale “Kultivim i bimëve narkotike”;

Gjithashtu u ndalua shtetasi A. Xh., 34 vjeç, banues në Fushë Krujë, pasi Gjykata e Shkallës së Parë Krujë, ka vendosur masën e sigurisë “Arrest me burg”, për veprat penale “Shkelja e rregullave të qarkullimit rrugor” dhe “Largim nga vendi i aksidentit”” – thuhet në njoftimin e policisë.

Ndërkohë, një 25-vjecar i identifikuar me inicialet E.S., banues në Durrës, u arrestua pasi gjatë kontrollit të ushtruar në automjetin tip “Audi”, me të cilën qarkullonte, shërbimet e Policisë gjetën dhe sekuestruan një sasi lëndë narkotike cannabis sativa si dhe një tabelë për ndalim qarkullimi, e cila përdoret nga Policia.

Specialistët e Qarkullimit Rrugor në DVP Durrës, arrestuan në flagrancë edhe F. E., 45 vjeç, banues në Durrës, pasi u konstatua nga shërbimet e Policisë duke drejtuar motomjetin pa leje drejtimi.

Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme.

Top Channel