Talibanët trokitën tre herë në derën e saj, herën e katër ata e vranë!

Vajza e Najias, Manizha, 25-vjeçe, e dinte që ata do të vinin, ndërsa nëna e saj i kishte treguar se kishin bërë të njëjtën gjë tre ditët e mëparshme, duke kërkuar që ajo të gatuante ushqim për 15 ushtarë.

“Nëna ime ime u tha atyre: Jam e varfër, si mund të gatuaj për ju?”, tregon vajza 25-vjeçare.

“Fill pas kësaj talibanët filluan ta rrahin! Nëna ime u rrëzua dhe ata e goditën atë me armët e tyre, AK47s”.

Vajza tregoi më tej se ajo u bërtiti luftëtarëve të ndalonin, por ata u ndalën vetëm një moment para se të hidhnin një granatë në dhomën ngjitur dhe të largoheshin ndërsa flakët u përhapën. Nëna e katër fëmijëve ndërroi jetë nga dhuna.

Sulmi vdekjeprurës i 12 korrikut në shtëpinë e Najias ishte një tragjedi dhe një kërcënim me të cilin përballen tani gratë në të gjithë Afganistanin pas marrjes nën kontroll të kryeqytetit Kabul nga ana e Talibanëve.

Një histori tragjike, për të cilën CNN përdori pseudonimet për Najia dhe Manizha, në mënyrë që të ruante identitein e tyre për arsye sigurie.

Në 10 ditë, militantët talebanë pushtuan dhjetëra kryeqytetet krahinore të lëna të prekshme nga tërheqja e trupave amerikane dhe aleate.

Shpejtësia e përparimit të militantëve i kapi banorët vendas në befasi. Disa gra thanë se nuk kishin kohë për të blerë një burkë në përputhje me rregullat e talebanëve që gratë duhej të mbuloheshin dhe të shoqëroheshin nga një i afërm mashkull kur të dilnin nga shtëpia.

Për gratë e Afganistanit, pëlhura e rrjedhshme përfaqëson humbjen e papritur dhe shkatërruese të të drejtave të fituara gjatë 20 viteve – e drejta për të punuar, studiuar, lëvizur dhe madje edhe të jetojë në paqe – nga e cila ato kanë frikë se nuk do të rimarrin kurrë.

FOTO GALERI

4/12

Top Channel