Një ngjarje rëndë ka ndodhur në Itali me protagonistë një çift shqiptar. Shkëlqim Bedeli vrau gruan, mëngjesin e ditës së djeshme dhe më pas i dha fund jetës së tij duke u vetëvarur.
Shegushe Paeshti, për herë të parë nuk ishte paraqitur në punë. Fëmijët, të cilët sapo ishin nisur për pushime, u përpoqën të kontaktonin prindërit e tyre, por pa sukses. Shenjë e trishtuar e një tragjedie që askush nuk do ta kishte imagjinuar. Sipas hetuesve autori i krimit kishte studiuar çdo detaj të vrasjes. Fëmijët me pushime, fqinjët për disa ditë larg, kështu e realizoi planin për krimin makabër.
Por çfarë thonë shokët dhe të njohurit e çiftit?
Ata që i njihnin flasin për një çift të qetë dhe pavarësisht viteve të shumta së bashku. Shegushe Paeshti ishte një shtëpiake.
Fqinjët tregojnë se rutina e saj ishin punët e shtëpisë, dilte shëtitje, shpesh edhe me burrin e saj. Shkëlqim Bedeli, punoi si farkëtar për një jetë më të mirë, por merrej edhe me kultivimin e disa perimeve në kopshtin e tij, kryesisht domateve.
Të afërmit tregojnë se familja ishte e bashkuar dhe së fundmi fëmijët kishin shkuar me pushime. bedeli kishte vetëm pak ditë që e kishin hequr nga puna dhe kjo dyshohet se është një nga shkaqet që atë e kanë çuar në depresion, e mandej të ndërmerrte edhe krimin makabër.
Por në një letër lënë fëmijëve të tij dhe autoriteteve policore, ai tregonte arsyet që e dërguan në këtë akt të rëndë, probleme në çift, ndoshta xhelozi.
Top Channel
