Kultivim kanabisi dhe armë pa leje në shtëpi/ Vihen në pranga 2 persona, një nën hetim

Policia vuri në pranga M. M., 47 vjeç, banues në fshatin Torovicë, pasi mbante armë zjarri pa leje në banesë.

Gjithashtu u arrestua D. D., 35 vjeç, banues në fshatin Sukagji, pasi ishte shpallur në kërkim për kultivim të bimëve narkotike në zonën e Kashnjetit.

Ndërsa K. H., 20 vjeç u vu nën hetim pasi gjatë kontrollit fizik të ushtruar ndaj tij, në Shëngjin, kanë gjetur dhe sekuestruar doza me lëndë narkotike.

Njoftimi i policisë DVP Lezhë

Vijon puna për parandalimin, evidentimin dhe goditjen e paligjshmërisë. Vihen në pranga 2 shtetas, procedohet penalisht 1 tjetër. Sekuestrohen një armë zjarri me krehër me fishekë dhe doza me lëndë narkotike të dyshuar cannabis sativa. Specialistët e Hetimit të Krimit në Komisariatin e Policisë Lezhë bënë arrestimin në flagrancë të shtetasit M. M., 47 vjeç, banues në fshatin Torovicë, Lezhë, pasi mbante armë zjarri pa leje në banesë. Nga shërbimet e Policisë është sekuestruar në cilësinë e provës materiale arma e zjarrit automatik, me krehër me fishekë.  Gjithashtu, specialistët e Hetimit të Krimit në Komisariatin e Policisë Lezhë bënë ndalimin e shtetasit D. D., 35 vjeç, banues në fshatin Sukagji, Lezhë, për veprën penale “Kultivimi i bimëve narkotike”. Ky shtetas ishte shpallur në kërkim policor, pasi dyshohet si autor i tentativës për kultivim të bimëve narkotike në zonën e Kashnjetit, Lezhë. Nga specialistët për Hetimin e Trafiqeve dhe Narkotikëve në DVP Lezhë u procedua penalisht shtetasi K. H., 20 vjeç, banues në Lezhë. Shërbimet e Policisë, gjatë kontrollit fizik të ushtruar ndaj tij, në Shëngjin, kanë gjetur dhe sekuestruar në cilësinë e provës materiale doza me lëndë narkotike të dyshuar cannabis sativa.  Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.

Top Channel