Një vatër e re zjarri është shfaqur në fshatin Radostinë në Fier. Flakët janë përhapur në të gjithë sipërfaqen e kodrës duke djegur ullishte.
Forcat zjarrfikëse janë në gatishmëri, por banorët kërkojnë ndërhyrje urgjente nga ajri pasi zjarri i ndihmuar edhe nga era po përhapet me shpejtësi duke rrezikuar fshatrat Radostine dhe Zhupan.
Banorët: Nuk ka shtet këtu, zjarrfikësja nuk ka ardhur. Po të ishte ndërhyrë në kohë, do të ishte shmangur djegia.
Flakët vazhdojnë edhe në ditën e dytë në fshatin Gjorgoz te Fierit. Dhjetëra hektarë pyll me pisha janë shkrumbuar, ndërkohë sipërfaqe të tëra te gjelbëruara vijojnë të jenë nën pushtetin e flakëve. Në kodrat e Cakranit janë dy vatra aktive, por fatmirësisht zjarri është larg zonës së banuar. Për shuarjen e flakëve është kërkuar ndërhyrja e helikopterit ose e forcave të ushtrisë.
Top Channel