Dyndje serbësh dhe rumunësh/ Të shumtë që po pushojnë në bregdetin e Vlorës dhe Sarandës
08/08/2021 19:47
Turizmi shqiptar këtë vit për shkak të kufizimeve që solli me vete pandemia Covid-19 ka arritur të kapë disa tregje të reja turistike.
Çarterat nga Rusia kanë qenë me fluks më të madh se çdo vit tjetër. Gjithashtu heqja e vizave për turistët nga Egjipti, Arabia Saudite dhe Emiratet e Bashkuara kanë mbushur plot hotelet e Tiranës.
Por, Shqipëria këtë vit ka tërhequr edhe shumë turistë nga vendet e Ballkanit si Serbia dhe Rumania, shprehet eksperti Feriold Ozuni.
Interesi i turistëve serbë vjen me rritje të shtuar. Ende nuk ka turizëm të organizuar në mënyrë të mirëfilltë për këtë vend dhe shumica e tyre zgjedhin bregdetin e Sarandës dhe Vlorës me makina individuale.
Top Channel