Michael Ballack në zi! Aksidenti fatal i merr jetën djalit 18-vjeçar

05/08/2021 16:23

Ish-mesfushori dhe ish-kapiteni i njohur i kombëtares gjermane, Michel Balack, ka humbur djalin e tij ditën e sotme në një aksident rrugor.

Emilio Ballack ishte vetëm 18 vjeç, por aksidenti fatal që ka ndodhur në Lisbonë të Portugalisë i ka marrë jetën në lule të rinisë.

Gazeta The Mirror raportojn se aksidenti tragjik me mjetin e tij lëvizës me katër rrota, ndodhi në një ngastër toke pranë një shtëpie që Michael Ballack e bleu disa vjet më parë.

Emilio ishte një nga tre fëmijët e Ballack që ish-futbollisti gjerman ka me ish-gruan Simone Lambe. Ai lindi në vitin 2002, një vit pas djalit të madh, Louis, dhe tre vjet para se më i riu, Jordi.

Michael Ballack është aktivizuar me klube si Bayern Munchen, Bayer Leverkusen dhe Chelsea, teksa zhvilloi 98 ndeshje (42 gola) me “Pancerat”./Gazeta Shqip

FOTO GALERI
1/4

Top Channel