SPAK në kërkim të “porositësit”/ Vijojnë hetimet pas arrestimeve për korrupsion tek zyra e Kadastrës

30/07/2021 15:25

Përgjimet për çështjen e manipulimit me votat çuan SPAK te një skemë e korrupsionit që përfshinte Kadastrën e Tiranës.

Pak ditë më parë, u arrestuan tre seksere dhe disa punonjës të kadastrës janë pezulluar nga detyra për shkak se janë nën hetim për korrupsion.

Të enjten ata dolën para gjykatës, e cila i la në burg ndërsa SPAK vijon hetimet. Të arrestuarit po bashkëpunonin për të përvetësuar disa prona në zonën e Tiranës, më saktësisht në Sauk. Por ata kishin rolin e ndërmjetësit ndërkohë që SPAK është në kërkim të porositësit të këtyre akteve korruptive.

Identiteti i tij është ende jo publik, por jo i panjohur për hetuesit e SPAK. Nga përgjimet, del se Gazmend Canaj dhe Neritan Bablusha kanë marrë përsipër nxjerrjen e dokumenteve të pronësisë, të përmendura, si rasti “Shati”, për të cilin interesohet personi nën hetim Gëzim Basha, kundrejt pagesës.

Bablusha, i thotë Gazmendit dhe Gëzimit se po shfrytëzon lidhjet e tij shoqërore Kadastrën e tiranës, për të rregulluar letrat e pronësisë dhe marrjen e tyre.

Në përgjime ata janë kapur duke bërë premtime për paratë që do jepeshin si ryshfet ndërsa me anë të Watsapp dërgojnë edhe dokumentet si dhe janë gati 2 milionë.

Top Channel