Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
17,000 objekte antikiteti që datojnë deri 4,000 vjet më parë, do t’i rikthehen Irakut nga SHBA, njoftoi sot kryeministri Mustafa al-Kadhimi.
SHBA do të kthejë thesaret arkeologjike që janë vjedhur dekadat e fundit, në aktin që ministri i kulturës në Baghdad quajti “të paprecedentë”.
Njoftimi erdhi pas takimit të kryeministrit iraken Mustafa al-Kadhimi me presidentin amerikan Joe Biden në Uashington.
Al-Kadhimi tha se nje pjese nga veprat e lashta nga Mesopotamia, do të kthehen me avionin e tij.
“Ky është kthimi më i madh i antikiteteve në Irak,” tha Nazim, duke ngritur lart vendimin si “rezultat i disa muaj përpjekjesh të autoriteteve irakene me ambasadën e tyre në Uashington”.
Shumica e veprave të lashta artistike përfaqësojnë “këmbimet kulturore gjatë epokës Sumeriane”, tha ministria në një deklaratë.
Antikitetet e Irakut janë grabitur gjatë disa dekada luftërash dhe kryengritjesh, shpeshherë nga grupe të organizuara kriminale, që prej kaosit që pasoi nga pushtimi amerikan i vitit 2003 që përmbysi udhëheqësin e vjetër Saddam Hussein.
“Nuk është e mundur të cilësohet numri i saktë i pjesëve artistike që janë vjedhur nga vendet tona arkeologjike”, tha Qahtan al-Obaid, drejtor i antikiteteve në muzeumin e Basra.
Impjantet arkeologjike në të gjithë vendin janë dëmtuar rëndë dhe muzeumet janë grabitur. Vetëm nga muzeumi kombëtar i Irakut në kryeqytetin Bagdad janë vjedhur 15,000 pjesë arkeologjike.
Mes pjesëve më të çmuara që do të kthehen është një tabletë e vogël balte 3,500-vjeçare e librit Gilgamesh, që gjendej në Muzeumin e Biblës në Uashington.
Fragmenti i rrallë tregon një sekuencë nga mbishkrimet e Akkadian, i zbuluar nga koleksionisti milioner David Green. Ajo u sekuestrua nga autoritetet amerikane në 2019, dy vjet pasi Green hapi muzeumin e historisë së kristianizmit në Uashington.
Top Channel
