Njihuni me 3 shenjat paralajmëruese të Osteoporozës që duhet t’i dini patjetër

Një prej objektivave kryesore të trajtimeve të kësaj sëmundjeje ka të bëjë me parandalimin e frakturave. Në këtë artikull do të mësoni më shumë për shenjat paralajmëruese dhe simptomat e osteoporozës.

Shenjat Paralajmëruese Të Osteoporozës
Trajtimi i sëmundjes është efikas nëse zbatohet në shenjat e para të sëmundjes. Ekspertët, thonë se është e rëndësishme që njeriu të jetë i ndërgjegjshëm për faktorët e rrezikut të sëmundjes. Disa prej shenjave paralajmëruese të sëmundjes janë:

Frakturat e Shpeshta
Shumë njerëz pësojnë një frakturë ose thyerje të kockave por kjo ndodh si pasojë e një force të madhe lënduese. Frakturat janë më të përhapura në rastin e rrëzimit nga një lartësi e madhe, aksidenti me makinë apo incidenti sportive. Por nëse kockat thyhen pa pasur nevojë për një forcë të madhe, atëherë ekziston mundësia e sëmundjes së osteoporozës.

Dhimbjet e Pashpjegueshme Të Kockave
Shkaktarët e dhimbjeve të tilla janë të ndryshëm, por osteoporoza është një kontribues shumë i fortë. Dhimbjet e pashpjegueshme janë një arsye e fortë për të shkuar tek mjeku dhe përjashtuar mundësinë e osteoporozës.

Humbja e Gjatësisë së Trupit
Frakturat si pasojë e kompresimit të vertebrave mund të mos diagnostikohen në kohë. Ato shkaktojnë humbje të gjatësisë së njeriut ose kërrusje. Një problem i tillë mund të sinjalizojë osteoporozën.

Faktorët Që Rrisin Rrezikun e Osteoporozës
Ekspertët paralajmërojnë se rreziku i osteoporozës rritet si pasojë e shumë faktorëve disa prej të cilëve janë:

Duhanpirja,
Konsumi i tepërt i alkolit,
Ushqyerja e keqe,
Sasia e pamjaftueshme e kalçiumit apo vitaminës D
Mungesa e aktivitetit fizik. Shfaqja e osteoporozës mund të ndikohet edhe nga konsumi i disa medikamenteve të caktuara siç janë steroidët apo Lithiumi, por edhe përdorimi i kimioterapisë.

Qumështi Kundër Osteoporozës
Qumështi dhe produktet e tjera të bulmetit janë të pasura me kalçium. Konsumi i këtyre produkteve me gjasë mund të ulë rrezikun e osteoporozës. Megjithatë, ekspertët rekomandojnë konsumin e produkteve me pak ose apsak yndyrë. Kalçiumin mund ta merrni edhe nëpërmjet suplementëve por edhe produkteve si salmon apo barishtet.

Pijet e Gazuara dhe të Sheqerosura Rrisin Rrezikun e Osteoporozës
Studimet kanë zbuluar që konsumi i pijeve të gazuara dhe të sheqerosura rrit rrezikun e osteoporozës. Kjo mund të jetë falë përmbajtjes së kafeinës apo acidit fosforik. Këshillohet konsultë me mjekun në rast se keni simptomat e mësipërme. /AgroWeb

Top Channel