Distria Krasniqi i dhuroi sot Kosovës medaljen e artë, nga Tokyo 2020, pasi doli e para në xhudo për femrat.
Menjëherë pas këtij lajmi të bukur, personazhet publikë kanë uruar sportisten për arritjen e saj në karrierën personale, por dhe për faktin që i dha Kosovës medalje ari.
Distria Krasniqi e cila merr pjesë në kategorinë deri në 48 kg arriti të mund në finale ndaj japonezes Funa Tonaki. Kosova vazhdon të thyej rekorde sa i përket këtij sporti dhe lojërave olimpike duke parritur të sigurojë në dy olimpiadat e fundit dy medalje ari.
“Luaneshë! Brravo, brravo, brravo”, shkruan kryeministri Rama, në një postim në “Facebook”.
Edhe kryedemokrati, Lulzim Basha ka postuar një foto të kampiones, me mbishkrimin: “Krenari!”
Presidenti i vendit uroi Distria dhe ekipin që përfaqëson Kosovën në Japoni: “Urime Distria Krasniqit, më të mirës së botës! Përgëzime Dritonit dhe mbarë ekipit, që kurrë nuk zhgënjen!“
Top Channel
