Rovena Vodën ish zv.ministren e Brendshme nuk e ndihmoi aspak pretendimi i mbrojtjes që i tha gjykatës së SPAK reagoi një vit me vonesë dhe se nuk egziston asnjë rrezik që ish zyrtarja të shkatërrojë provat.
Ndaj 45-vjeçares u la në fuqi e njëjta masë që e dërgoi nën arrest shtëpiak , njëlloj si edhe Majlinda Hasanit dhe Florida Beut , që aplikoi në 11 vende vakante për t’u bërë pjesë e administratës por që për shkak të pandemisë procedura u pezullua përkohësisht.
Ato u takuan, Rovena Voda e takoi katër herë sipas regjistrave, tre herë në zyre dhe të katërtën në Durres pikërisht ditën kur e interesuara mbasi e bleu telefonin me vlerë 600 euro ia jep.
Pas këtij takimi SPAK thotë se Voda u largua me mjetin Toyota me targat e Ministrisë së Brendshme për të hyrë në Portin e Durrësit prej nga ku doli rreth orës 17.48 . Ish zv ministrja u paraqit aty me makinën e punës për të marrë një arkë me peshk që ia dha Florinda Beu , meqenëse familja e saj ka anije peshkimi.
Voda ra në rrjetat e SPAK pas përgjimit të një grupi trafikantësh droge, që më herët dërgoi në qeli edhe prokurorin Edmond Karriqi i cili ndryshoi masën e sigurisë ndaj disa të rinjve në Kukës për 2 mijë euro.
Top Channel
