Freedom House: Korrupsioni dhe ndikimi politik në gjyqësor, shqetësime të vazhdueshme në Kosovë 24/04 22:13
Edhe sot në Deçan, një numër i madh i qytetarëve ka kërkuar ndihmë mjekësore në Qendrën e Mjekësisë Familjare “Adem Ukëhaxhaj” .
Nga ora 15:00 e së mërkurës e deri sot në orën 07:00 të mëngjesit, ishin 114 pacientë që kanë kërkuar ndihmën e mjekut.
Një nga mjeket e këtij spitali tha se prej tyre 67 kanë qenë me simptoma të helmimit, ndërsa dy raste i kanë referuar për në Spitalin e Pejës.
Kujtojmë se që nga dita e diele e deri më sot, numri i qytetarëve me simptoma të helmimit që janë paraqitur në qendrën spitalore në Deçan, ka kaluar mbi 1 mijë.
Komuna e Deçanit ka shpallur gjendje emergjente, ndërsa Komisioni për Mbikëqyrjen e Agjencisë së Kosovës për Inteligjencë (AKI) është mbledhur për të diskutuar rreth situatës së paprecedentë.
Takimi po zhvillohet me dyer të mbyllura dhe pritet që në fund kryetarja e këtij komisioni, Ganimete Musliu të mbajë një konferencë për media.
Për gjithë situatën që u shkaktua në këtë zonë, tashmë kanë filluar edhe hetimet, dhe po bëhen analiza për të zbuluar arsyen se si ndodhi e gjitha.
Top Channel
