Është zbardhur sot nga Këshilli i Lartë Gjyqësor vendimi i pezullimit nga detyra të kryegjyqtares së Elbasanit, Enkelejda Kapedani.
Në vendim thuhet se KLGJ i lë disa detyra Inspektorit të Lartë të Drejtësisë që të caktojë një ekspert IT dhe të përcaktojë se kush i publikoi videot e Kapedanit në rrjetin “Tik Tok”.
Gjithashtu, KLGJ i kërkon ILD që të verifikojë sa persona kanë pasur akses për t’i parë videot e gjyqtares, e cila shfaqej duke bërë sfilatë në ambientet e Gjykatës së Elbasanit, ose duke thyer rregullat e qarkullimit rrugor në timon.
Dhe e fundit, por jo më pak e çuditshme është ajo që KLGJ i cakton ILD është dokumentimi i tekstit të këngëve, që shoqërojnë në sfond imazhin e magjistrates, në videon e publikuara në rrjetin e saj të “Tik Tok”.
Top Channel
