Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
17 persona kanë humbur jetën, pas shembjes së një hoteli në qytetin lindor kinez të Suzhou.
Pas 36 orësh operacionesh kërkimi, ekipet e shpëtimit gjetën 23 njerëz nën rrënoja, gjashtë prej të cilëve u gjetën të gjallë.
Një hetim paraprak zbuloi se shembja ishte shkaktuar nga pronari që ndryshoi strukturën e ndërtesës, sipas Global Times.
Ndërtesa thuhet se ka pësuar rinovime të shpeshta në vitet e fundit.
“Ndërtesa dikur kishte vetëm tre kate, por me kalimin e viteve ata kanë shtuar kate shtesë“, i tha një banor degës së lajmeve Red Star News.
Qeveria Provinciale Jiangsu paralajmëroi se personat përgjegjës do të përballen me akuza penale. Hoteli u shemb të hënën pasdite, rreth orës 15:33 me kohën lokale. Më shumë se 600 punonjës u angazhuan për shpëtimin e personave që ndodheshin në hotel.
Fillimisht besohej të ishin 18 persona në hotelin me 54 dhoma në kohën e shembjes, por më vonë u zbulua se ishin edhe pesë mysafirë të paregjistruar.
Top Channel
