Përplaset avioni në aeroportin e Karolinës së Veriut, disa të vdekur, autoritetet: Shpërtheu në flakë 18/12 21:00
Toka dridhet, por kësaj here aktiviteti natyror ka pak rëndësi. Ajo që bëri tokën të lëvizë dje në Itali ishin festimet gjatë penalltive të finales së Euro2020 natën e kaluar, 11 korrik, midis Italisë dhe Anglisë.
Rrjeti kombëtar sizmik Ingv regjistroi dridhje të lehta. Stacioni sizmik i Montecelio në provincën e Romës (Mtce) mori sinjalin e tërmetit.
Megjithëse nuk ishte një qytet i madh, regjistrimi ishte i mundur sepse stacioni ndodhet brenda qytetit.
Trafiku urban, aeroplanë që thyejnë shpejtësinë e zërit, aktivitete industriale, koncerte, ngjarje sportive: të gjitha këto janë kontekste që mund t’i japin jetë fenomeneve si ajo e djeshmja.
Francesca Bianco, drejtoreshë Ingv i quan ato “shenjat sizmike të lumturisë”. Ajo tha në një intervistë se u bë e vetëdijshme për tërmete të këtij
lloji për herë të parë “midis viteve tetëdhjetë dhe nëntëdhjetë, kur Diego Armando Maradona po luante për ekipin e futbollit Napoli. Hapat e tifozëve napolitanë, brenda stadiumit, prodhuan sinjale të një amplituda më të madhe se zhurma e sfondit.
Top Channel
