Burri vret me thikë gruan e tij 45-vjeçare brenda në makinë! Pamje nga vendi i ngjarjes
05/07/2021 13:52
Konkurset pa fitues, qeveria nxjerr vendim që në administratë të intervistohen edhe kandidatë jashtë shërbimit civil 24/04 17:38
Top Channel ka siguruar pamje nga vendi i ngjarjes së rëndë të shënuar paraditen e kësaj të hëne në Bubq të Krujës.
Shtetasi Artan Ismalaja goditi me thikë duke i shkaktuar vdekjen e menjëhershme bashkëshortes së tij, shtetases Klarita Ismalaja.
Ngjarja ka ndodhur brenda makinës së tyre, në afërsi të magazinës që ju shihni në pamjet e siguruara nga Top Channel.
Më pas, autorit ka tentuar të dëmtojë edhe veten me thikë, ndërsa është transportuar në spital ku ndodhet nën kujdesin e mjekëve.
“Më datë 05.07.2021, në orën 10:45, në Bubq, Krujë, në afërsi të një magazine, brenda mjetit tip “Ford” në pronësi të tij, dyshohet se shtetasi A. I., 51 vjeç, banues në Krujë, ka goditur me mjet prerës (thikë), bashkëshorten e tij, shtetasen K. I., 45 vjeçe, e cila ka ndërruar jetë. Më pas shtetasi A. I. ka tentuar të dëmtojë edhe veten me mjet prerës (thikë) dhe është transportuar në spital, ku ndodhet nën kujdesin e mjekëve”, thuhet në njoftimin e policisë.
Ende nuk dihen shkaqet e kësaj ngjarje të rëndë, ndërkohë që grupi hetimor ndodhet në vendngjarje dhe po punon për zbardhjen e rrethanave.
Top Channel
