Një qytetar i shqetësuar nga Durrësi denoncon në ‘Ti Raporton’ se kolonat e një shtëpie katër katëshe, të dëmtuar nga tërmeti, përbëjnë rrezik për jetën e qytetarëve.
Qytetari ka dërguar foto të shtëpisë të banuar, që ndodhet në rrugën “Ismail Qemali”, Pishat e buta, në Durrës, ndërsa shihen kolonat ‘e thërrmuara’ që mbajnë ndërtesën katërkatëshe.
Ai shkruan se kolonat po ‘thërrmohen’ çdo ditë e më shumë dhe pas tërmetit të 26 nëntorit askush nuk është interesuar.
“Duhet dhënë alarmi, përpara se dikush ta pësojë”, shkruan qytetari bashkangjitur fotove.
Top Channel
